*اكثر حالة عزت علي مراجعة اجت عندي قبل سنيتن ، لقيت عندها أعراض مقاومة الأنسولين الكلاسيكية كلها ، قلتلها انتي عندك مقاومة انسولين وكل مشاكلك منها ، قالتلي انا عملت فحص سكر من اسبوع وما معي سكري نهائي..
*فهمتها انه هذه مرحلة بتسبق مرض السكر بسنوات ومعناها انه جسمها بطل حساس للإنسولين عشان هيك البنكرياس بيضطر يفرز كميات كبيرة وهذه الكمية الفائضة من الإنسولين بتعمل مشاكل كثير وفي أي لحظة معرضة يصير معها سكري ...
*قالت بصراحة مش عارف شو قصة مقاومة الأنسولين هاي اللي طالعينلنا فيها كل سنة بتطلعو بقصة جديدة أنا مش مآمنة انه كل مشاكلي بتنحل اذا بتروح مقاومة الأنسولين ...
*كنت كتبتلها على فيتامينات ومعادن ما جابتها ، وكتبتلها نظام غذائي ما طبقته للأسف ، امبارح اجت عندي للاسف مصابة بمرض السكر والتراكمي عندها ١١ إضافة إلى مشاكل أخرى كان ممكن نتداركها بكل سهولة...
*وطبعاً انا بفضل الله عالجت أكثر من حالة سكر من النوع الثاني بشكل كامل ، بلشت أشرحلها عن النظام عشان نحاول نعالج السكر أو نسيطر عليه على الاقل ، قالتلي هو السكر بيتعالج انا ما بصدق انه السكر بيتعالج ، هون أنتهت الجلسة ...
انتهت الجلسة لان إعتقاد وإيمان المريض بأنه لديه مشكلة غير قابلة للسيطرة والعلاج ، سيخلق مشكلة غير قابلة للسيطرة أو العلاج فعلاً...
