الفرق بين الرغبة في التشافي والهروب من المسؤولية في رحلة العلاج النفسي

تفاوت الوعي البشري

الناس مش مثل بعض وطريقة استيعابهم للمعلومة والتعامل معها مختلفة تماماً ، كثير بكون متابع نفس الحالة تماماً بنفس الوقت لعدة أشخاص وبصراحة والتفاوت في الوعي مرعب ، قبل سنوات في نفس اليوم اجاني حالتين منفصلات لشابين بنفس العمر تقريباً ، كانو بيعانو من إكتئاب حاد وعندهم نفس الأعراض ، اعطيتهم نفس الجلسة ونفس التعليمات ونفس الفيتامينات والمعادن ...

الالتزام وطريق النجاح في التشافي

الأول: بالرغم انه حالته كانت أسوأ تشافى تماماً وطبق كل حرف حكيتله yاه والتزم بالفيتامينات والمعادن اعطيته ياها وكل التعليمات بشكل كامل ، واليوم هو نسخة جديدة بالكامل من نفسه ، وكل ما يشوفني بيحكيلي انا مش عارف كيف اردلك الجميل انت انقذتني وغيرت حياتي ، وفعلياً هو اللي انقذ نفسه ..

الهروب من المسؤولية ولعب دور الضحية

الثاني : وانا اعطيه بالتعليمات واناقش بحالته بس كان يحكي كلمة هاد اشي صعب ويحاول يحكي ويحكي ويحكي بحيث يرمي المسؤولية على اي حد على اي شيء ، وهاد انا متعود عليه بأول جلسة وما عندي مشكلة فيه ، ولكن بعد ما توصل المعلومة لازم شي يتغير ، وصفتله الفيتامينات والمعادن نفسها اشتراها ، اخذها ل٣ ايام فقط ووقفها ، حالته ما تحسنت ولا عمرها رح تتحسن ، لانه هو فعلياً ما بدو يتشافى ، هو بدو يحكي أنا تعبان وما حدا يستنا مني شي ويعفي نفسه من أي مسؤولية عشان يرتاح ، وهذه احد النشاطات اللاواعية لعقلنا الباطن لحمايتنا من الضغط ...

أهمية تحمل المسؤولية لصنع التغيير

في هالحياة لازم تعرف شو بدك بالضبط ، بدك تغير حياتك وتتشافى وتعيش حياة جودتها عالية ، بدك تعترف ان الحياة مجموعة قرارات وانت مسؤول عن قراراتك بالكامل ، بغض النظر قراراتك صح او غلط بدك تتعود تتحمل نتيجتها ... #رائد_بدير