شو رأيك بالبيتزا والهمبورجر ...؟
*أكيد رح تجاوب بدون تفكير أو بدون ما تعرف ليش ، أنها أغذية غير صحية ، وطبعاً الFDA الأمريكية صنفتهم على انهم أغذية غير صحية ، وكل أخصائيين الأغذية بيعتبروها fast food , وخيار غذائي غير صحي.
رح أعلمك تاكل بوعي تعال نفككها ونشوف وين المشكلة.. بيتزا : - -خبز نشويات ومصدر طاقة. -خضار مصدر ألياف وفيتامينات ومعادن. -جبن مصدر كالسيوم وبروتينات. همبورجر:- -خبز مصدر كربوهيدرات وطاقة. -لحم مصدر دهون وبروتينات. -خس وخضار مصدر ألياف وفيتامينات ومعادن.
*ألا يبدو انه كلها مكونات صحية وينصح بها أخصائيين التغذية والأطباء ، إذاً أين المشكلة ؟؟؟
*المشكلة في التوازن هذا غذاء غير متوازن ، كمية الخبز (النشويات) قد تصل أو تتجاوز ال٦٠% ، لذلك صنفته الFDA , على انه غذاء غير صحي .
*لو يعرفو انك في مجتمعاتنا بتوكل نصف كيلو خبز على علبة تونا أو بيضة مقلية ، أو يعرفو انك بتوكل نصف كيلو ارز مقابل قطعة دجاج ، وأنك ما بتوكل خضار نهائياً.
*ما هي مشكلة الخبز ، مشكلته انه طاقة صرف بدون مغذيات بيتحول لسكر في دمك بوقت سريع جداً ، ومش رح يكون عندك وقت لحرق هذه الكمية من الطاقة ، لذلك رح يضطر جسمك يتعامل مع هذا السكر الفائض ويخزنه كدهون وهالعملية جداً مجهدة للجسم ومؤكسدة.
*ما في شيء خلقه ربنا مضر وكل الأغذية تحتوي فائدة لجسدنا ، ولكن الوفرة الموجودة هذه الأيام وسبل الراحة والتكنولوجيا ، ضيعت التوازن الفطري لهذه الأغذية بالتالي قلت حاجتنا للنشويات وأصبحت مضرة إلنا.
*هذا الكلام ينطبق على السكر والحلويات والارز الابيض والمشروبات الغازية والعصائر.
*بإختصار تناول الأغذية بتوازن سليم ، وقلل السكريات والنشويات للحد الأدنى .
