ضروري جداً تفهم هذه المراحل...
لما أعطي مراجعيني النظام الغذائي الخاص والعناصر اللازمة ، أول أسبوعين الجسم مش رح يعجبه الوضع لأنه متعود على مستويات عالية من سكر الدم ، سواء من الحلويات والعصائر أو من الخبز الأبيض والنشويات ...
المراجع بيشعر بدوخة وإنخفاض في مستويات الطاقة لأن البنكرياس لسا بيفرز كميات كبيرة من الإنسولين على اقل تحفيز ولسا ما تأقلم عالوضع لجديد ، وهذه الكميات الكبيرة من الإنسولين رح تخلي سكر الدم في أدنى مستويات ، وهذا رح يخليك عصبي ومزاجك مش تمام ورح تشتهي السكريات بشكل جنوني ، وعقلك رح يحاول يقنعك بأي طريقة ترجع للفوضى الغذائية...
هذه الحالة من عنادة جسمك وإصراره على تناول السكريات السهلة البسيطة كمصدر للطاقة ، في أسوأ الظروف رح تستمر لثلاث أسبابيع فقط ، بعدها رح يستسلم ويتأقلم مع الوضع الجديد ويلجأ لحرق الدهون كمصدر للطاقة ...
في هذه المرحلة بتكون حرفياً تخلصت من إدمان حقيقي ، ستشعر بنشاط مستمر طول النهار وتركيز عالي جداً ، ما في جوع نهائياً لأنه جسمك بيحرق بالدهون ، وهون رح تتخلص من مقاومة الإنسولين ...
والمفاجئة إنك خلال ثلاث شهور رح تتخلص من حزمة من الأمراض لم تكن في الحسبان مثل :- إلتهاب المفاصل /القولون العصبي / تكيس المبايض / الكبد الدهني /ضبط مستويات السكر /وضبط ضغط الدم ...
أنا شخصياً بصوم عن الطعام ١٦ ساعة يومياً ووقت موعد وجبتي بكون غير جائع نهائياً..
