بدي احكيلكم قصة صارت معي ...
مرة بتصفح بالسوشيال ميديا طلعلي مقطع لدكتور من الدكاترة اللي بيصورو حالهم عأساس وكأنه حد عامل معهم مقابلة بتعرفوهم...? أنا من جديد عرفت انهم بيكونو يحكو مع حالهم وما في حد عامل معهم مقابلة ولا شي ، وبالمناسبة ما بعرف من وين بيجيبو وقت وين مراجعنيهم وين متابعات حالاتهم وين عياداتهم .... المهم
قاعد وحاط رجل على جل والمايك معلق بالقميص ، وبيحذر من استخدام الميلاتونين هاد (المكمل اللي بنستخدمه لضبط وتيرة النوم) ، وبيقول بأن هناك دراسة بتقول أنه يؤدي إلى صغر حجم الخصيتين عند الرجال لأنه في تجربة تم إعطائه فيها للفئران وأدى لتصغير حجم الخصيتين ومنزل رابط للدراسة ، والناس في التعليقات في حالة هلع... طبعاً إلا الخصيتين ...
إلا أنا عرفت أن هناك هبد في الموضوع لأن هذا تخصصي والعلم والفطرة لا يمكن أن يتعارضو ، وأعرف ان هذا المركب طبيعي الغدة الصنوبرية ليدنا تطلقه في الظلام وأن الأشعة تحت الحمراء سواء من الشمس أو النار أو الإضائة الصفراء تحفز إنتاجه ليتم إطلاقه في الظلام لاحقاً ، وأعرف بأنه مضاد إلتهاب ومضاد أكسدة قوي جداً جداً ومهم للكثير من العمليات الحيوية في جسدنا ، وأنا شخصياً أاخذه منذ سنوات والوضع .... ما علينا مش مهم ...
دخلت للدراسة اقرأها لقيت الدراسة تقول بأنه,( في تجربة أجريت على الفئران يتم فيها حرمان الفئران من النوم بشكل متعمد لمراقبة تأثير الحرمان من النوم على حجم الخصيتين ، تبين بأن إعطاء الميلاتونين خفف من تأثير الحرمان من النوم على تصغير حجم الخصيتين بنسبة كذا....) ..
يعني مضمون الدراسة عكس الذي تكلم فيه حضرته تماماّ ، يعني حتى قرائة مش عارفين تقرأو ولا نقل عارفين تنقلو ، هذا ببساطة ما يحصل في وطننا العربي ... يعني وين اروح انا احكولي ....
