بداية الحالة والتشخيص الغائب
اسمعو هالحالة ما أغربها ، ورجاء مشاركة المنشور ... *سيدة ستينية جائت لعندي للعيادة ، قالتلي أنا يا دكتور إذا باكل أي شيء خصوصاً اذا فيه سكر بيصير معي مغص شديد وكأن بطني بيتقطع وبعدها بيصيبني إسهال غير طبيعي ، وانا صرلي شهور على هالحالة وعجز الطب معي ، وطبعاً كان واضح عليها النحافة والهزال ...
تجاهل الفطريات ودور المضادات الحيوية
*حكيتلها اعطيني اشوف تحاليلك ، لقيت عندها فطريات في الجهاز الهضمي بشكل كبير جداً وكالعادة تم تجاهلها بالكامل ، أو بالأحرى الطبيب في بلادنا ما بيحكي مع المريض ليفهم شو معه ، بس بيحكيله خذ هاد الدوا وبتراجعني ... *نعم السيدة كانت عاملة زرع مفصل ، وكانت آخذة كمية لا بأس فيها من المضادات الحيوية اللي قتلت البكتيريا النافعة ، وهالشي بيسمح للفطريات تقوى في الجهاز الهضمي ، ولكن كمية الفطريات الموجودة في الجهاز الهضمي وقوتها بتدل على سبب ثاني ...
السبب الخفي في مياه الشرب
*بعد بحث وتمحيص السبب هالمرة ما كان الغذاء ، السبب كان المي اللي بتشربها هي اللي مسببة هالعدوى ، وطبعاً قويت في ضل غياب البكتيريا النافعة اللي هي خط الدفاع الاول ضد الفطريات ... *بعد ما اخذت بكتيريا نافعة ووقفت المي من الحنفية تحسنت حالتها خلال ايام ، المياه اللي بنشربها معالجة بالكلور وما في أي رقابة على نسب لكلور ، وهذا بيقتل البكتيريا في المياه صحيح ولكنه بيسمح في ترعرع الفطريات ، لذلك انا بنصح أي إنسان يطلع يشوف خزان الماء عنده وينظفه ...
مخاطر الفطريات على الجسم
*الفطريات مش بس بتعمل إضطراب في الجهاز الهضمي ، الفطريات كائنات متعددة الخلايا وهي أكثر تعقيداً من البكتيريا ، وممكن بكل سهولة تأثر على مناعتك ونفسيتك وجهازك العصبي ... #رائد_بدير
