انا متأكد قرائتك لهالمنشور رح تفيد انسان في هالكوكب...
بسبب تطور التكنولوجيا وسبل الراحة والرفاهية بطلنا نبذل مجهود بدني كافي ، فأصبحت الطاقة الداخلة لأجسادنا من الغذاء أكثر من ما نصرفه من الطاقة ، بالنسبة للجسم الطاقة ثمينة فبيخزنها في البداية على شكل جلايكوجين في الكبد وهو سكر جاهز للإستعمال الفوري خلال ٤٨ ساعة ...
ولكن طبعا مش رح نبذل مجهود ولا رح نجوع كفاية حتى نستهلكه لانه بنوكل طول النهار والليل ، الكبد بيضطر يحول هالجلاكوجين لدهون ثلاثية برضو للإستعمال وقت الحاجة ...
ولكن برضو مش رح نجوع ولا نبذل مجهود كافي ، بالتالي مع الوقت مخازن الدهون في الكبد رح تمتلئ ورح يتحول لكبد دهني وهنا رح تصير مصاب بالكبد الدهني...
الكبد الدهني شائع جداً وصامت ما بيسبب أي ألم مباشر و ما في الو أي أعراض واضحة ولو عملت فحص انزيمات كبد رح تلاقيها جيدة ، ولكنه جذر لأسوأ أمراض العصر ، منها السكري نوع ثاني ، والنقرص ، وكسل الغدة الدرقية، وتراكم السموم في الجسم ، ومقاومة الإنسولين ، والمشاكل الهضمية والغازات ، إضطراب الهرمونات وخصوصاً الإستروجين ...
ما بيلزمك فحص بيكفي تطلع لتحت اذا في إلك كرش فأنت غالباً عندك كبد دهني وحتى لو كان جسمك نحيف ، الحل بالصيام المتقطع ، وقطع النشويات والسكريات وممارسة الرياضة ، وبعض الفيتامينات والمعادن الخاصة لهذه الحالة ...
أعتذر لطول المنشورات أنا احاول أن اختصر قدر الإمكان..
