ليش في ناس ما بتستفيد من الفتامينات والمعادن...؟
*أول سبب وأهم سبب لعدم إسفادتك من الفيتامينات والمعادن هو عدم أخذها بالجرعات الكافية ، والسبب بهالشي طبعاً المنتجات التجارية والدعاية السلبية ، والجوع لمراعat كفائة الإمتصاص.
*الفيتامينات والمعادن وخصوصاً المستخلصة من مواد طبيعية مكلفة جداً ، الشركات بتحاول تقدم منتج تركيزاته خفيفة عشان ما تتكلف كثير وتقدر تنافس بالسعر ، وفي نفس الوقت بتحاول تقنعك بأبحاث فاقدة للمصداقية أو غيره ، أنه هالتركيزات كافية إلك واكثر من هيك ممكن تكون خطر عليك.
*وأهم شي لازم نراعي الفرق بين الجرعات الوقائية والجرعات العلاجية، يعني ما عندي مشكلة أنك تاخذ ٢٠٠٠ وحدة دولية من فيتامين دال يومياً وقائياً عشان تحافظ على مستوياته ، ولكن انك تاخذه بهالجرعات لعلاج الربو أو أمراض المناعة الذاتية أو لانه مستواه متدني جداً عندك ، أكيد انت بتمزح والي كتبلك عليه بيمزح وبيضيع في وقت خصوصاً انه جسمك بأفضل الحالات رح يمتص ٥٠% من الجرعة والباقي مش رح يدخل الدم أساساً.
*مثال:-كتبت لشخص على 500ملغم مغنيسيوم يومياً ، راح عالصيدلية يصرفه فالصيدلي حكاله هذه جرعة عالية وممكن تأثر عالكلى عندك ، طبعاً واضح انه الصيدلي عنده تركيزات أقل وبده يمشيها وأعطاه تركيز ٢٠٠ملغم ، طيب خليه ياخذ حبتين او ثلاث ليش تحرمه من الفائدة العلاجية ، كيس شيبس أو اندومي بيعمل حمل عالكلى اكثر من هالجرعة بأضعاف.
*جسمنا بحاجة ل420 ملغم مغنيسيوم بشكل يومي ، هذا في حالة ما عندنا نقص ، الإمتصاص في أفضل الحالات 50% ، يعني رح يمتص 250 ملغم من الجرعة ، وهذا بيعادل تقريباً 60% من إحتياجه اليومي ، كيف بده يتشافى هذا المريض وانت أعطيته تركيز 200ملغم ، وجسمة رح يمتص منها 100 ملغم ، يعني مش مغطي 24% من إحتياجه اليومي ، فما بالك إذا كان عنده نقص وعنده إمساك شديد أو تشنجات عضلية.
