بقعد ٤٠ دقيقة وأنا أشرحله وأقنع فيه أن السكر و الأكل المصنع والمشروبات الغازية بتضر في صحته وبتعمل مشاكل في الكلى والكبد وهو مش مقتنع ، ولما أوصفله فبتامين أو عنصر ...
*دكتور يعني هذا المكمل آمن..؟
-آه آمن جداً وما في الو آثار جانبية...
*دكتور يعني هو شو بيعمل ..؟
- بيعمل وظائف حيوية كثير بجسمك والله مصمم جسمك يستقبله ويتعامل معه وبيحبه...
* دكتور يعني ما بيلزم أعمل تحليل ..؟
- ما بيلزم تحليل وأساساً ما في ألو تحليل دقيق ، ومستحيل يزيد بجسمك بهالجرعات ...
*دكتور أنا خايف يعني مش خطر عالكلى والكبد ...؟
- ما بيعمل حمل عالكبد والكلى قد ربع كيس أندومي من الخمس كياس اللي بتوكلهم قبل ما تنام ...
في النهاية ما بياخذه لأنه خايف عالكبد وبيستمر ياكل كيلو خبز مع ٢ لتر كولا عالأفطار عادي بدون أي خوف سبحان الله ، والمشكلة مش هون المشكلة إذا أخذه من أول حبة بيتصل علي... دكتور حاس بغثيان ودوخة وتشنجات وضيفة نفس وتسارع في ضربات القلب وإمساك وإسهال ...
معقول من الفيتامين يا دكتور ..؟؟؟
- يا زلمة هاد فيتامين فيتاااااامين ..
#رائد_بدير
