عمرك سمعت فيها...
بين عام 1848 وعام 1852 حصلت مجاعة في ايرلندا اسمها مجاعة البطاطس مات فيها مليون انسان ،الفكرة ببساطة أنه الإيرلنديين كانو بيعتمدو في غذائهم بالكامل على البطاطا بسبب القوانين البريطانية اللي ما كانت تسمحلهم إلا بزراعة محصول واحد ، ومحصول البطاطا أصيب بوباء اسمه اللفحة المتأخرة قضى على المحصول بالكامل مما تسبب بالمجاعة...
طيب يا دكتور إنت قلتلنا البطاطا نشويات كيف كانو معتمدين عالبطاطا وين السكري ومقاومة الإنسولين والإلتهابات ...؟ ليش هو السكر في الدم كان يلاقي مجال يطلع عندهم ، انت بتفكر كانو يشترو البطاطا من السوبرماركت ، في تلك الحقبة الزمنية كان الرجل والمرأة والطفل والعجوز يشتغلو بالمزارع معظم وقتهم عشان يوكلو ، وعشان تعرف المجهود اللي كانو يعملوه جرب إنزل على حديقتك خذ فأس وإنزل إقلب مترين مربع من التربة ..
#رائد_بدير
