مش كل شيء لازم تاخذه على شكل وصفة...
*معظم الناس بدها كل شيء على شكل وصفة أو حبة دواء ، من غير ما تبذل أي مجهود بحتى انها تفكر تفكير كيف توصل لغايتها.
*بيجيني شباب بيقلي بدي احصل على جسم مثالي وصحي ، وبيكون متحمس جداً ، مجرد ما أقله بدك تلعب رياضة مرتين في الأسبوع بيختفي كل حماسه وبيختلق ملايين الأعذار .
*بيجيني شخص متحمس بده يتعالج من مرض السكري ولو أقله علاجك في عشبة في جبال التبت ما عنده أي مشكلة ، مجرد ما أقله انه علاجه بيعتمد عليه نفسه بنسبة ٨٠% ، وانه لازم يلتزم بحمية خالية من الكربوهيدرات لمدة ثلاث شهور على الاقل ، يختفي كل حماسه وبيختلق ملايين الاعذار.
*بيجي شاب متحمس بده يصير انسان ناجح ، وبده الوصفة السحرية لذلك ، مجرد ما تقله لازم تخرج من دور الضحية ، ولازم تصحى كل يوم عال ٥ صباحاً ، حتى يسألك ما هي الطريقة لكي أخرج من دور الضحية ، انت اللي لازم تعرف كيف ما بقدر اعيش حياتك بدالك.
*بتيجيني سيدة حلم حياتها انها تحصل على جسم مثالي وبتكون منتظرة تحصل على الحبة السحرية ، ومجرد ما اقلها انها لازم تلتزم بالغذاء الصحي حتى سرعان ما تتنازل عن حلمها ،وتختلق الاعذار.
*هاي الأعذار كلها مختلقة من العقل لانه بيحب الراحة وما بيحب التغيير ، هاي فطرة هو مبرمج عليها هو مصمم لراحتنا واستقرارنا ويعتبر اي تغيير مهدد لنا ولاستقرارنا ، وهنا يأتي دور حضور الروح والوعي.
