عشان ما حدا يضل يسألني شو يعني تخصصك وشو الي بيفرقك عن الطبيب ، رح اضربلك مثال ...
لو في شخص عنده جرثومة معدة مثلاً ، بيروح للطبيب الطبيب مع كامل الإحترام بعد سماع الاعراض بيطلب فحص جرثومة معدة بتطلع ايجابي خلال دقائق بيوصفله علاج ثلاثي مكون من نوعين مضادات حيوية قوية على الاقل ودواء مغلف للمعدة وانتهى ، طبعاً المضاد بيقتل جرثومة المعدة وبيقتل البكتيريا النافعة في الجهاز الهضمي في طريقه ، المريض بيعمل تحليل بعد فترة انتهت جرثومة المعدة ولكنه بيعاني من اعراض هضمية نفسية عصبية مناعية لا متناهية لسنوات بسبب الخلل الذي حصل في المايكروبيوم ، وممكن يرجع ينصاب فيها مراراً وتكراراً لانه ما اشتغلنا عالسبب سواء من ناحية فيتامينات ومعادن وعادات غذائية أو من ناحية شعورية وطاقية ...
في المقابل لما يجي عندي اول شي لازم اعرف ليش انصاب بجرثومة المعدة ، شو السبب اللي خلا جرثومة بتعيش في جهازنا الهضمي تحت السيطرة بشكل طبيعي ونسب معينة تستقوي عليه وتتكاثر بهالشكل سواء من ناحية عادات غذائية او نقص عناصر ، أو شو السبب الشعوري اللي اضعف طاقة الجهاز الهضمي ومناعته وافقده السيطرة ، وبعد ما اعرف السبب واتعامل معه بعطيه كلشي طبيعي يدعم استشفاء الجهاز الهضمي ويرجع الامور لطبيعتها وغالباً رح نسيطر عليها ، واذا ما قدرنا نسيطر عليها بحوله على طبيب يعطيه علاج ثلاثي او رباعي بالمضادات ولكن بضل متابعه وبعطيه بكتيريا نافعة عشان نعوض اي اختلال بالمايكروبيوم ونتلاشى أي مضاعفات اخرى ...
في نهاية المنشور بشكر كل الناس اللي بتشتغل بالكادر الطبي سواء اطباء او صيادلة وبتحول الناس لعندي ، ليس لإيمانهم في شخصياً بل لإيمانهم بأن المريض يستحق ما هو أكثر من مجرد الإكتفاء بوصف الادوية ...
