تعال أحكيلك قصة...؟
*زمان كان فيه مواقف أتعرض فيها للتوتر والإحراج ، وكيف ما كنت أحاول أخبي هالإحراج والتوتر أعراضه تزيد وحدته تزيد لدرجة أحياناً كنت أفقد السيطرة...
لحد ما بمرة نطقت و حكيت للموجودين أنا حاس بإحراج ومتوتر كثير ، اللي رح يفاجئك انه مشاعر التوتر والإحراج اختفت بالكامل وتحولت لأريحية غير مفهومة ، ومن وقتها تعلمت هالتكنيك ، وبوقتها ما كنت دارس علم الطاقة ....
اليوم العلم بقول مشاعرك مهما كان نوعها كل ما قاومتها وكبتها وحاولت تخفيها رح تزيد وتتأجج ، ولما تعترف فيها و تعبر عنها سواء بالقول أو الفعل رح تختفي ببساطة ، لانها عبرت عن نفسها.
هاي الفطرة السليمة ما في داخلك يظهر للخارج ويتجلى ، أياك تصدق حد بيطلب منك تكبت أو تنكر أو تخبي مشاعر معينة مهما كانت ، حزين إبكي ، فرحان إضحك ، أعجبك شي عبر عن إعجابك ، متضايق من شي عبر عن إستيائك.
المشاعر هي طاقة إذا ما بتعبر عنها بتضل تكبر بداخلك بدون ما تعرف ، لحتى تتجسد وتتجلى في يوم ما على شكل انت مش رح تحبه...
#رائد_بدير
