حالة من العيادة...
*تقريباً من سنتين إحدى المراجعين في العيادة ، سألني عن إبنه الشاب قلي إبني (بيواجه أحياناً صعوبة بالتنفس وبيحس بثقل وضيق بالنفس بين فترة وأخرى) ، قلتله قبل أي شي أعملله تحليل فيتامين دال لأنه نقصه بيعمل هالحالة ...
* قال ما إحنا إعملناله تحليل فتامين دال وطلع عنده 5 ، للعلم فيتامين دال لازم يكون من 50_100 ، قلتله وليش ما اعطيتوه فيتامين دال؟ قال مهو عمه دكتور وقلنا عادي كل الناس فيتامين دال ناقص عندها مش مهم ...
*السؤال اللي بدي أسأله يعني إذا ما بدنا نعطيه فيتامين دال اللي الله برمجه يتدخل بأكثر من 3000 عملية حيوية في الجسم بشكل آمن ، شو نعطيه بخاخ ربو.؟؟؟!!!!
*الفيتامين الوحيد اللي ربنا خلقنا ناخذه يومياً من الشمس هو فيتامين دال وهذا لأهميته وتورطه بصحتنا الجسدية والنفسية بشكل مباشر ، لدرجة انه نقصه في كثير من الحالات يسبب الإكتئاب ...
اللي ذكرني بالموضوع من كم يوم زارني عالعيادة صديق أعتز بصداقته ، مع أبنه وهو طالب طب بشري سنة خامسة ، بخصوص نفس الحالة من ضيق النفس ، ولما طلبت تحليل فيتامين دال طلع عنده 6 ، وهي مستويات متدنية جداً تؤدي إلى خلل في عمل عضلة الحجاب الحاجز المسؤول عن عملية التنفس ، كما أن خلايا الرئة تحتوي على مستقبلات لفيتامين دال وهذا يدل على تدخله في كفائة عمل الرئة..
#رائد_بدير
