صباح الخيرات ...
لما تضل طول النهار توكل ، وانت على السرير قبل ما تنام توكل وبس تصحى من النوم وتفتح عينيك تحط شي بتمك وتبلش توكل ، بس قلي جهازك الهضمي متى بدو تتجدد خلاياه وبطانته ويعاد اصلاحه ويرتاح ، ترا الفطرة مش هيك جسمك مصمم يجوع لساعات طويلة ولا لشو بيخزن دهون وجلايكوجين بالكبد والعضلات ..؟ عشان يحرقها بساعات الجوع ...
واكثر شي بيقهرني اللي بيحكولي (بتصدق يا دكتور انا ما بوكل من الصبح وانا على بسكوتة وعلبة عصير) , يا الله لو تعرف شو عملت في حالك ، يعني لا انت خليت جسمك يستفيد من فوائد الصيام المتقطع ويحرق دهون، ولا أنت اكلت وتغذيت بشي في فيتامينات ومعادن ، بس أخذت هالسكريات الفارغة عشان ترفعلك الإنسولين وتنزلك هرمون النمو اللي بده يجدد خلايا جسمك وضليت في الجوع ..
ومش بس هيك بعد ساعة من ما أكلت البسكوتة والعصير ولا الشكولاته رح ينزل السكر بدمك بشكل كبير بفعل الانسولين اللي طلع ، يعني لا طاقة ولا تركيز ولا مزاج ...
أنا ما بقلك أوثق فيني أوثق بالفطرة ، أنا كتبت عن الصيام المتقطع سابقاً بمنشورات مفصلة بتقدرو ترجعوله ...
#رائد_بدير
