وجهات نظر ...
*أمبارح دخلت على محل خضار ، فسألته عن وضع البطيخ هالأيام قلي جيد ، فاشتريت بطيخة وأنا بعرف أنه في بداياته ويكون غير ناضج ، فمسك سكينة وبده يعلمها ( يعني يفتح جزئ منها لأتأكد أنها حمراء واخذها مضمونة) ، انا رفضت بشدة وقلتله حتى لو طلعت بيضاء رح أخذها ، وفعلاً هذه عادتي ...
*فهو استغرب وقلي أمرك غريب كل مرة بتحكيلي هيك ومرة أشتريت من عندي ذرة وسألتيني كيف الذرة قلتلك أفتحها وقشرها وانتقي الجيد وضع الرديء وانت رفضت ، وقلتلي رح أخذها كما هي وانا ونصيبي ...
* قلتله لو أنا اخذت البطيخ وطلعت بيضاء بيكون هذا نصيبي ورح أتقبله وبكون خسرت ٢ دولار مثلاً وهذا مبلغ لن يؤذيني ورح اشتري غيرها ، ولكن لو كل واحد دخل عندك علم بطيخته وصار عندك ٢٠ بطيخة راجعة رح تخسر ٤٠ دولار وهذا مبلغ ممكن يؤذيك كتاجر ، وفي الذرة نفس القصة لو طلع عندي حبة حبتين رديئة في الكمية اللي اشتريتها مش رح يصير شي ، أما لما كل شخص يحطلك حبيتن او ثلاث بعد ما يفتحهم رح تتجمع كمية عندك وهذا رح يإذيك كتاجر وانا متأكد انك اشتريتهم مسكرات وما بتعرف شو بداخلهم كحال البطيخ ...
*انا لا ازكي نفسي واللي بيعرفوني عن قرب بيعرفو انني مساوم شره في كبائر الأعمال والصفقات ، ولكن الصغائر لن تصنع منك شيء وأستغلال حاجة الناس سيجعل منك محتاج مدى الحياة ، والحق والحقيقة لازم تكون عارفها وتستدل عليهل بوعيك وتقدر الأمور ، وتحط نفسك مكان الشخص المقابل ...
* وأنا يأتيني يومياً عشرات الإستشارات والكل يريد إستشارة مجانية ومتابعة خاصة بالمجان ويدعي أن ظروفه خاصة ، تخيل فقط لو أعطيت لكل إستشارة ربع ساعة كمية الضرر الذي سيقع علي ، لذلك لما اقلكم اللي بده استشارة خاصة خدماتي مدفوعة او يكتفي بالمنشورات ما تزعلو مني ، اشهد الله كلكم اخوتي و نفسي لو اقدر اساعدكم كلكم بالمجان ، ولكن هذا مستحيل أفسحو المجال للناس المحتاجين فعلاً ...
#رائد_بدير
