هشاشة العظام لدى الشباب: قصور الغدة الجار درقية وأهمية المكملات الأساسية

تشخيص إصابة مفاجئة بكسر في الضلع

من فترة زارني عالعيادة شاب رائع جداً وكان واضح انو مهتم بصحته ومن جديد بلش يلعب حديد ، قلي اليوم وانا العب حديد حسيت اشي بجانب صدري طق ، وبعدها صرت احس بألم شديد مش قادر اتحرك ، سالته شو التمرين اللي كنت تلعبه حكالي أرجل ، فحصته لأعرف إذا الي صار عنده تمزق عضلي ، حكيتله ما بقدر اعملك جلسة لاني شاك ٩٠% انو عندك كسر في ضلع ...

اكتشاف السبب الأساسي: هشاشة العظام

اتضح بعد الصورة انه عنده كسر في ضلع ، واعطيته توجيهات وحكيتله ارتاح وبيتشافى ان شاء الله ، وهون هو فكر انو انتهى العلاج وكان رح يغادر ، حكيتله استريح الآن بدأ العلاج شاب بعمرك وينكسر عنده ضلع وهو يلعب بتمرين ما الو أي علاقة بالصدر هذا مؤشر على هشاشة العظام ولازم نعرف السبب ...

دور الغدة الجار درقية في صحة العظام

-بتاخذ فيتامين دال ..؟
* قال لا اخذته فترة بعد ما عملت العملية ووقفته ...
- سألته أي عملية..؟؟!!
*حكالي إستئصال الغدة الدرقية والجار درقية ..
-حكيتله انت بتعرف انه الغدة الجار درقية هي اللي بتنظم استقلاب الكالسيوم في الجسم وبدونها رح يضل عندك نقص كالسيوم وما في حال غير انك تاخذ فيتامين دال النشط وليس العادي لانه هذه الغدة ايضاً هي المسؤولة عن تنشيط فيتامين دال في الكلى ، ولازم تاخذ كالسيوم...
*حكالي كتبلي عليهم الدكتور بس انا ما بحب الأدوية ...

التفريق بين الأدوية والعناصر الأساسية

وأنا بحكي لكل إنسان ضروري تفرق بين الأدوية وبين العناصر الأساسية لجسمنا ...