مناقشة تحديات الالتزام بالنصائح الطبية

*ليش انا كاتبلك حبة ثلاث مرات وانت بتاخذ حبة مرة واحدة ..؟
- والله يا دكتور شفت الحبة كبيرة قلت حبة بكفي ..

*ليش ما اشتريت المعادن والفيتامينات اللي وصفتلك ياها؟
- بصراحة يا دكتور ساعرتها لقيتها أغلى من الادوية ..

* ليش ما التزمت بالحمية الغذائية اللي وصفتلك ياها..؟
- والله يا دكتور ما اقتنعت انه مشكلتي من الاكل صاحبي بيوكل مثلي واسوء وما معه شي؟

* ليش ما اخذت الفيتامينات والمعادن اللي وصفتلك ياها..؟
- والله يا دكتور بنت اختي بتدرس تمريض وحكتلي عالفاضي الفيتامينات والمعادن مكملات ما بتعالج ..

*ليش ما اخذتي فيتامين دال وبي ١٢ ...؟
- والله يا دكتور ما اقتنعت انه المشكلة النفسية عندي من نقصهم ، لانه كل الناس ناقصة عندهم ..

* ليش الصيغ والتركيزات اللي بتاخذيها مختلفة تماماً عن اللي وصفتلك ياها ...؟
- والله يا دكتور بنت جارتنا حكتلي بجيبلك ياهم من موقع امازون ارخص ...

*ليش بتاخذ حبة فيتامينات متعددة بدل اللي وصفتلك ياهم ..؟
- والله يا دكتور حكيت بلا ما اغلب حالي باخذ كل الفيتامينات والمعادن بحبة واحدة ...

*ليش ما اخذت المغنيسيوم والزنك اللي وصفتلك ياهم..؟
- والله يا دكتور عملت فحص في الدم لقيت نسبتهم عندي طبيعية ...

* ليش موقف الفيتامينات والمعادن اللي وصفتلك ياهم..؟
- والله يا دكتور استعملتهم اسبوع ما شفت نتيجة...

* ليش ما التزمتي بالعناصر والحمية اللي وصفتلك ياها ...؟
-دكتور انا مشكلتي معروفة انا في شيخ حكالي معمولي سحر ..
#رائد_بدير