مخاطر المضادات الحيوية وأضرارها على الصحة العامة

بالله عليك تقرأ خليني أشرحلك ليش احنا زعلانين من المضادات الحيوية...؟

المضاد الحيوي أكتشفه العالم فليمنغ بالصدفة في المختبر ومعظم المضادات مشتقة من فطر البنيسلين ، المفروض انه هاي المضادات نعمة لانها بتقتل البكتيريا وبالتالي هي اقصر طريق للقضاء على الالتهابات اللي بتسببها البكتيريا ، ولكن ...

أول مشكلة

انه المضاد الحيوي ما بيفرق بين البكتيريا النافعة والضارة ، وأول ما رح يلاقيه البكتيريا النافعة الموجودة في الجهاز الهضمي (ptobiotic) ورح يعمل مجازر فيها ، وهون رح يضطرب الهضم لانها مسؤولة عن الهضم وتفكيك العناصر لتسهيل امتصاصها ومسؤولة عن القضاء عالبكتيريا الضارة ، ورح يضطرب المزاج لانها مسؤولة عن انتاج ٨٠% من هرمون السيراتونين اللي بيعطينا شعور الرضى والإستقرار النفسي ، ورح يصير عنا نقص في فيتامينات بي المركبة اللي من ضمنها b12 ، لانها مسؤولة عن إنتاج هاي الفتيامينات اللي مهمتها صحة الأعصاب بالدرجة الاولى....

ثاني مشكلة

انه هالبكتيريا اللي بدنا المضاد الحيوي يقتلها عندها حمض نووي ، وبالتالي عندها تطور وتكيف ، والمضاد الحيوي مستحيل يقتلها كلها ، بالتالي سمحنا بتزاوج بكتيريا ضارة شرسة طورت مناعة من المضاد الحيوي ، يعني البكتيريا هالأيام أقوى عشرات المرات من قبل ٥٠ سنة ، ولذلك أسوأ شيء ممكن تعمله انك تاخذ كم حبة من المضاد الحيوي وما تكمله...

ثالث مشكلة

انا ما في حدا رح يقلك هالحكي غيري انا وكم واحد غير مرضي عنا ، لأنه في شركات رح تسكر وتجارة بالمليارات رح توقف ، والشي الاهم واللي قلته الف مرة ما تاخذ مضاد حيوي للفيروس ، لانه الفيروس مش خلية اساساً مش رح يعمله المضاد اي شي نهائياً المضاد الحيوي فقط للبكتيريا...