بعد إجابتك عن هذه الأسئلة إذا كنت ذكي ستعرف سبب ٨٠% من مشاكلك...
١)للوهلة الأولى لما تواجه مشكلة أو عقبة بحياتك ، أول ما بيخطر ببالك إنها رح تنحل بطريقة أو مليون كغيرها من المشاكل اللتي حلت وأصبحت من الماضي ، ولا أول ما بيخطر ببالك ان الدنيا انتهت ولقيامة قامت وإنك طول عمرك ما إلك حظ؟
٢) للوهلة الأولى أول ما تواجه مشكلة صحية مهما كان نوعها ، بتفكر أنها مشكلة معقدة وخطيرة ومزمنة ، ولا بتفكر أنها مشكلة عابرة ومؤقتة وجسدك سيتعامل معها ويصلحها سريعاً مجرد ما تعطيه االي لازمه...؟
٣) للوهلة الأولى لما تفترق أنت وشخص عن بعض بغض النظر عن السبب وبغض النظر الحق عليك أو عليه ، بتفكر أنه كان مجرد شخص من ٨ مليار شخص على هذا الكوكب وأنه ببساطة ما اتفقتو ورح تقابل آلاف غيره رح تتفق معهم ، ولا بتفكر أنها نهاية العالم وأنه الحياة كلها خربت وتدمرت...؟
٤) للوهلة الأولى لما تتعرض لإصابة أو خسارة مادية ، بتفكر كيف تطلع منها بأسرع وقت وبتحمد الله لأنه في فضاء الإحتمالات كان الوضع ممكن يكون كثير أسوأ ، ولا بس بتفكر قديش وضعك مؤسف و بتقعد تندب حظك وتتذمر..؟
٥) لما تكوت مصاب أو بتعاني من مشكلة صحية بتضل تبحث وتتفقد الألم والأعراض كل شوي ، ولا بتطنش وبتستشعر الشفاء والتحسن...؟
#رائد_بدير
