*هالشخصين طالعين موضة هالأيام محتواهم بيقلك كل الشباب المفروض تكون رجال أعمال ومليارديرات ، وأي إنسان ليس ملياردير بالنسبة الهم عديم القيمة والموظفين بالنسبة إلهم عبيد ، لازم يكون عندك طيارة خاصة ويخت وإلا انت انسان عديم القيمة وعلى رأيهم ضمن المصفوفة ..
*سؤالي المنطقي إذا كل الناس بدهم يصيرو مليارديرات وأي حدا ليس رجل أعمال بدنا نعتبره عديم قيمة أو عبد أو ضمن المصفوفة ، مين رح يشتغل عند مين ومين رح يدير أعمال هالكم الهائل من الأثرياء ، مين رح يعلم ولادنا في المدارس، مين رح يبنيلنا لبيوت ، مين رح يصلحلك الكهربا في البيت لما تعطل ، مين رح يوصلك الديليفري ، مين رح يشتغل شرطي وجندي ويحفظ الأمن ، مين رح يكون أخصائي تغذية ويوجه الناس غذائياً..
*لذلك هذا اعتبره فكر طفولي ومحتواهم ليس له اي معنى غير أنه سبب الإحباط لكثير من الشباب وحسسهم أنهم لا شيء وهذه اكبر كذبة وأكبر وهم ، صدقني انت ذا قيمة وذا أهمية طالما أنك تقدم خدمة لهذا المجتمع مهما كان نوعها ، وإياك تسمح لإنسان يقلل من قيمتك او قيمة ما تقدمه لهذا المجتمع وهاي الناس نفسها ما بتقدر تعيش أو تسير اعمالها بدونك ..
*أنا شخصياً تركت العمل في المقاولات وتجارة العقارات التي كانت تدر علي أموال كثيرة ، وأتجهت للعمل في العلاج مع أن دخلي من العلاج لا يتعدى 10% من عملي السابق ، ومع ذلك شعرت بجدوى وقيمة ما أفعله في هذه الحياة أكثر ، وأنا متأكد بأن البصمة التي سأتركها في هذا الكون بعد رحيلي لا يمكن مسحها ..
#رائد_بدير
