فوائد تمارين المقاومة للمراهقين وأثرها على الصحة الجسدية والنفسية

الكل بفكر كيف يشتري لأبنه أفضل ملابس ويأمنله أحسن حياة ولكن شو بتستفيد لما تخلي أبنك المراهق يلعب تمارين مقاومة ( كمال اجسام) تحديداّ ...

١)ولا شي بس مناعته بتصير أقوى وصحته افضل ، وبتعمل عنده وقاية من الإصابات و أمراض العظام والعضلات الهيكلية لأن العظام والعضلات تزداد قوتها بتعريضها للضغط ..

٢) مزاجه ونفسيته وطاقته بتضل أفضل من أقرانه بأضعاف لأنه بيفرغ أي طاقة سلبية ومشاعر سلبية بالتمرين وبيحولها لطاقة حركية ..

٣) ثقته بنفسه أفضل ، لأنه بيكتسب احترام اصدقائه بسبب هيئته الرياضية وعضلاته ، ولأن شكل الملابس بيكون عليه أفضل ...

٤) بطبيعة الحال ولا إرادياً رح يصير ياكل أكل صحي وياخء فيتامينات ومعادن ، وبهالطريقة انت وقيته من ٩٠% من الأمراض ...

٥)التمرين بيعلمه الصبر والإنضباط والإلتزام ، وهذا اكثر شي ممكن يفيده بحياته العملية والمهنية ...

٦)وظائف ذهنية عالية جداً ودماغ يعمل بكل كفائته ..

٧) من غرائب جسمنا البشري أنه تراكمي طاقياً وبيولوجياً التمارين اللي تمرنها وهو بعمر ال ١٦ وال١٨ ، رح تفيده وهو بعمر ال٨٠ ، غير أنك أعطيته عادة ممكن تضل معه طول العمر ...

انا بوعدك بكل هذه النتائج وفي يوم ما رح يشكرك ، بشرط ياخذ أي مكملات هو بحاجتها مهما كانت ولكن ما ينجرف ويقع في كارثة الهرمونات ..