دليل مبسط لتمارين المقاومة للاستشفاء الذاتي والصحة المثالية

مقدمة حول تمارين المقاومة والاستشفاء الذاتي

للي حب يمارس تمارين المقاومة (كمال الأجسام) للإستشفاء الذاتي ... سواء كنت رجل او سيدة ، انت ما بتعمل هالتمارين عشان تدخل بطولات ، وإنت بتلعبها عشان توصل للجسم المثالي او تشد جسمك أو تتعالج من امراض معينة وتوصل لما يعرف (بالإستشفاء الذاتي) وتنهض بوظائف جسدك صحياً.

التمارين والجدول الزمني

ما بيلزم تركز إلا على أربع تمارين رئيسية لأربع عضلات رئيسية وتجاهل كل التفاصيل المملة ، كل كلمة رح تسمعها أو عضلة رح تسمع إسمها إبحث عنها وعن طريقة أدائها على اليوتيوب عن طريق الدامبلز فقط.
أول يوم رح تلعب تمرين صدر وظهر ، إعتمد تمرينين رئيسين للظهر وتمرين واحد رئيسي للظهر بإستخدام الدامبلز فقط.
اليوم الثاني رح تلعب أكتاف ، إختار أربع تمارين رئيسية تستهدف الكتف من كل الجهات بإستخدام الدامبلز فقط .
اليوم الثالث رح تلعب ذراعين وأرجل ، إختار تمرينين رئيسيين لعضلة الباي(عضلة الذراع الأمامية) وتمرين واحد رئيسي لعضلة التراي (عضلة الذراع الخلفية) ، ورح تلعب تمرين السكوات بوزن الجسم للأرجل.

نظام المجموعات والراحة

كل تمرين رح تلعبه أربع مجموعات وكل مجموعة أربع عدات ، ورح تعرف الوزن المناسب من خلال أنك لازم توصل ١٠ او١٢ عدة والعدة الأخيرة رح تكون بصعوبة وتوصل فيها لما يعرف بالفشل العضلي.
وأهم شي انك تلعب يوم اه ويوم لا ، يعني لازم يكون فيه يوم للإستشفاء العضلي ، كمية الفوائد اللي رح تحصل عليها من هذا البرنامج رح تذهلك.

توضيح للنساء ونصائح إضافية

وبكرر البنات الي خايفة يصيرلها عضلات ضخمة مش رح يصيرلها وبالعكس رح تنحف وتحرق دهون ، والأجسام الضخمة اللي بتشوفها لبنات هاي بتاخذ هرمونات ، انا شخصيا بمارس ككمال الأجسام من أربع سنوات وما عملت كتلة عضلية ضخمة ، بالعكس حرقت اكثر كل دهون جسمي تقريباً.
أهم شي ما تنسى الإحماء قبل التمرين وما في داعي تبالغ فيه ، فترة الراحة بين المجموعات ما تتجاوز دقيقتين ، واذا التزمت بهالبرنامج رح يخلص تمرينك كل يوم بنصف ساعة فقط.