خطورة استخدام المضادات الحيوية في علاج الفيروسات الهضمية

قصة حالة مرضية مع الفيروس الهضمي

ما زلت لليوم أرى حالات غريبة عجيبة ... جائت عندي سيدة خمسينية شبه منتهية ، عندها هبوط وجفاف وحسب ما بتحكي خسرانة من وزنها ٥ كيلو بإسبوع ، وعندها إسهال شديد ..

خطأ تشخيصي وعلاجي

سألتها إيش حصل معها ...حكتلي بدأ الموضوع من عشر أيام ، صار عندي تعب ووجع بمفاصلي وقيء وإسهال ، ورحت على الدكتور في احد المراكز حكالي عندك التهاب في الأمعاء واعطاني مضاد حيوي ، ومن وقتها زادت عندي الأعراض بشكل كبير جداً لوصلت لهالحالة ...

طبيعة الفيروسات الهضمية

طبعاً أنا في ذلك الوقت كان متواصل معي ٥ اشخاص مز المنطقة بنفس اليوم بنفس الأعراض وكنت عارف انه منتشر فيروس هضمي وهذا أمر شائع ومتعود عليه ، ولكن الفيروس الهضمي بالعادة بينتهي من ٣_٥ أيام كحد أقصى لانه بطانة الجهاز الهضمي بتتبدل بالكامل خلال هالفترة ...

أهمية البكتيريا النافعة

وأكثر شيء بحاجته الإنسان عند اصابته بالفيروس الهضمي خلال هال٣ _٥ أيام بعد السوائل ، هو الحفاظ على البكتيريا النافعة ، الدكتور اعطاها مضاد حيوي(metronidazole) قتل البكتيريا النافعة ودمرها تماماً ...

العلاج السريع والفعال

المهم حكيتلها روحي كلي لبن وبتطيبي ، نظرتلي باستغراب و ما صدقتني وحكتلي انا ما بحب اللبن ، اعطيتها كبسولات بكتيريا نافعة probiotic , من أول حبتين تحسنت فوراً ...

خاتمة حول الوعي الصحي

وين الغريب بالموضوع ، ما علينا من الدكتور هذا اجتهاده ، الغريب انها من متابعيني القدامى ، وانا متابعيني القدامى تقريباً صارو دكاترة وبدهم يفتحو عيادات ...