تجربة الدكتور رائد بدير في تربية الأطفال وأهمية الاعتماد على الرضاعة الطبيعية

مقدمة حول قواعد التربية الأساسية

إقرأ المنشور ومش رح تندم ... انا عندي اربع قواعد أساسية وبسيطة في تربية أطفالي ... 1)اول قاعدة الإعتماد الكامل على حليب الأم الطبيعي لسنة ونصف على الأقل ... 2) والقاعدة الثانية ممنوع المضادات الحيوية منع بات إلا لغرض الحفاظ على الحياة وأنا من يقرر ذلك ، وخافضات الحرارة مسموحة عند الضرورة ... 3) والقاعدة الثالثة السماح للطفل بالإحتكاك بالبيئة المحيطة والتخلص من مبدأ الخوف عليه من البيئة بشكل كامل ... 4) الحاجة العاطفية للطفل لا تقل أهمية عن الحاجة الغذائية ، إعطي حب بسخااااء ، وما تخاف الولد ما بيخرب ولا بيطلع مدلل بل بيطلع سوي نفسياً ومحب للاخر ...

نتائج الالتزام بالقواعد الصحية

*وهذه المهمة كان فيها مسؤولية وضغط كبيرين علي بالرغم من اني دكتور ولم تكن سهلة أبداً ، حيث أن الطفل في مجتمعاتنا كل الحارة والجيران بتربيه معك ، والحمد لله عدي عندي مناعته أقوى من مناعتي بمراحل ونشاطه وظائفه الذهنية والإدراكية فوق الممتازة ...

الضغوط لاستخدام الحليب التكميلي

*قبل ثلاث شهور أجتني بنت سميتها قمر ، طبيب الأطفال قبل الخروج من المشفى كتبلها على حليب تكميلي ، وانا طبعاً هذا ضد مبادئي وقناعاتي ليس تعبطاً بل لأسباب يطول شرحها ، طبعاً تعرضت لضغط من الدائرة القريبة والبعيدة ، انو بتعرف هذا طبيب متخصص أطفال واكيد أخذ بعين الاعتبار وزنها عند الولادة وانو اكيد لازمها ، وانو اكيد ما بيكتب إلا شيء يكون نوعية معروفة وموثوقة ومصادق عليها من وزارة الصحة والfda ، وكأن وزارة الصحة والfda ..........خليني ساكت

ظهور المشاكل الصحية بعد إعطاء الحليب

*المهم اعطيت البنت الحليب كنوع من عدم العناد والتعنت ، وأنا أساساً من النوع اللي ما بخاف كثير خصوصاً على الأطفال ، لأني بعرف أن الخوف لا يأتي بشيء جيد ، من أول يوم لعمر شهرين والبنت تاخذ الحليب كحليب مكمل لحليب الأم ، وهي عندها تسلخات غير طبيعية في العنق وأماكن الحفاظ ، غير مستجيبة لأي مراهم ...

رفض الحلول الكيميائية والتشخيص الذاتي

*اخر مرة ذهبت للصيدلية قلت للصيدلي عندها تسلخات غير مستجيبة لأي مراهم اعطيني نوعية جيدة وذكرتله نوعية بعرفها وآمنة ، قلي هاي بسيطة خذ هاد لكريم بس غالي شوي قرأت مكوناته لقيته كورتيزول ، قلتله شكلك ما بتعرفني لو بتعرفني ما بتعمل هالعملة ... *اللي اقنعوني انه أعطيها الحليب حكولي شو رأيك تاخذها على طبيب اطفال ، يشوف التسلخات ويعطيها كريم مناسب ، حكيتلهم مع احترامي الكامل لطب الأطفال واعترافي الكامل بانه تخصص منفصل وله حساسيته ، شو رأيكم ان هذه التسلخات اللي عندها بسبب الحليب ، وان هذا ليس إلا نوع من التحسس من اللاكتوز والكازيين والدهون المهدرجة المضافة للحليب ...

اختفاء الأعراض وسحب منتجات الحليب من الأسواق

*كم بتتوقعو استمرت التسلخات والغازات والمغص والإسهال ، بعد ما وقفت الحليب ...؟ ٤٨ ساعة يومين كان كلشي اختفى ، اليوم بالصدفة بشوف ريلز بيحكي انه شركة نستله اللي بتصنع معظم حليب الأطفال الموجود في العالم بتسحب في منتجاتها من الأسواق وطلع مديرها التنفيذي قدم اعتذار للعالم ،لانه فيه مادة مضافة للحليب ثبت انه فيها سمية ، وقال هذا مش ذنبهم ذنب المورد الصيني ...

الخلاصة والمسؤولية الفردية

*مين لازم ألوم انا ؟ ألوم وزارة الصحة والFDA .؟ ولا الوم الطبيب اللي كتب الحليب ..؟ أكيد لا أحد فيهم ، لأنه إذا ما درت بالك عولادك ما في حدا بدير باله عليهم ، هاي مسؤوليتك مش مسؤولية حدا .. #رائد_بدير