تأملات حول تأثير البيئة السامة على قراراتنا الشخصية

كالعادة إقرأ للنهاية...
*سمعت انك بتحاول تترك التدخين ..؟ رح ترجعله عالفاضي انت بس بتعذب بحالك دخن شو ااخذ معك هي السيجارة اللي مهونة علينا حياتنا ...

*شو عاملة نظام غذائي ونحفانة ..؟ رح ترجعي مثل أول وأسمن هاد كلو حكي فاضي ، وتطلعي وجهك كيف اصفر كلي شو آخذة معك أصلاً الأكل اللي مهون علينا هالحياة..

*شو سمعت بتاخذ فيتامينات ومعادن وبتوكل اكل صحي..؟ تركك من هالحكي الفاضي ووفر فلوسك، إذا الدوا مش نافع بدها تنفع فيتامينات وتغذية ...

*شو سمعت انك بتفكر ايجابي وبتعمل تأمل هههههههه..؟
هاد هبل وخزعبلات مش عارف من وين طلعولنا فيه ، أي وعي وأي حكي فاضي في هالبلاد الزبالة هاي ...

*سمعت انك بتلعب رياضة ...؟ يعني أنت ما لعبت وإنت صغير جاي تلعب بهالعمر كم يوم وبتبطل تلعب وما بيفيدك غير تعبك...

*شو سمعت أنك تركت مضاد الإكتئاب ..؟ رح ترجعله أصلا هذا إدمان ومستحيل تخلص منه رح تاخذه طول عمرك ، أصلاً هاي حياة بدها مخدرات عشان نقدر نعيشها..

*شو سمعت شاري سيارة مبروك...؟ بس طالع عليك سعرها غالي كثير لو حكيتلي بجيبلك ياها بنص السعر ، بعدين هاد اللون اللي مختاره مش حلو نهائياً الله يسامحك بس...

بعرف أنه حواليك مثل هاي الناس السامة أوعك تصدقهم أوعك تسلمهم وعيك وتخليهم يلعبو بمعتقداتك مين ما كانو يكونو ، إذا ما قدرت تنشلهم معك ما تنحدر عندهم....
#رائد_بدير