في ناس شغلتها وعملتها بس لما تلاقيك ، ليش وزنك زايد هيك أو ليش نحفان هيك ، أو ليش صاير فيك هيك ، أو ليش شعرك هيك ، أو ليش وجهك تعبان ، أو ليش عيونك ما بعرف مالهم ... ، هدول الناس شغلتهم يوزعو طاقة سلبية تجاهل كلامهم تماماً وإذا بتعرف تخلص منهم إخلص منهم على مسؤوليتي ...
في المجتمعات الأخرى لما يلاقيك ، بيقلك (You look great) , بيقلك شو هالجمال والشياكة ، بيقلك منور بيعطيك جرعة طاقة إيجابية لشهرين لقدام ، إذا في عندك من هاي النوعيات دير بالك عليهم...
يمكن يخطر في بالك انه شو هالموضوع اللي تناوله الدكتور ، ما لقي أهم منه ..؟ بس لو كنت مكاني بتعرف كيف جسدنا بيتجاوب مع هذه الإيحائات بشكل رهيب ...
على سبيل المثال لا الحصر عدد كبير من البنات اللي بتراجعني وفي عندها حبوب عالبشرة ، لازم قبل ما تطلع هالحبوب يكون حد حكالها ليش بشرتك تعبانة هيك أو ليش هيك صاير وجهك ، او حد انتقد شكلها بشكل ما ، أو هي قامت بهالشي تجاه نفسها ، التركيز ذهنياً على هذا الشيء رح يطلق الهيستامين في هالمنطقة ويعمل رد فعل تحسسي لأنه جسمك إستجاب لفكرة رفض هالمنطقة وفكر في ميكروب أو بكتيريا بدها تهاجمه ...
#رائد_بدير
