بستغرب جداً لما تيجيني سيدة بتعاني من هشاشة العظام وبتتعالج لسنوات ، وما بتاخذ فيتامين دال ولا فيتامين k2 ولا عندها أي فكرة عن مستويات فيتامين دال عندها ، ما بدي الطبيب يحكيلها تاخذ بورون أو كبريت او منغنيز او مغنيسيوم ورح اعتبرها مستوى متقدم ، بس على الاقل فيتامين دال أي إنسان على وجه الارض اليوم المفروض صار بيعرف شو بيعملو ...
هاي الحالة تكررت بعيادتي عشرات المرات ، وهالشي بيخليني اتسائل إذا أنا شخصياً كتبت على صفحتي أكثر من ١٠ آلاف مقال ، وفي غيري المئات من المختصين اللي بتنشر هذا النوع من الوعي الصحي ، معقول تعبنا عالفاضي ، ولا منشوراتنا ما بتوصل ولا شو القصة بالضبط ...
#رائد_بدير
