الضغط النفسي والمهني في تقديم الخدمات الصحية وقصص من عيادة الدكتور رائد بدير

مقدمة في طبيعة الضغط المهني الصحي

هل تعتقد ان الذكاء الإصطناعي كان بفيدك بهيك موضوع ... لما تكون تقدم خدمات صحية مش شيء سهل نهائياً ولا لعبة ، مراجعيني متعودين علي اني ببسط كل شيء وما بهول الأمور والمشاكل الصحية وما بحب اعطي أسماء معقدة للامراض مع إني أعرفها وأحفظها جيداً ولكن .. ، عشان اعطيكم مثال وتحسو بكمية الضغط اللي علي تواصل معي سيدتين من مراجعاتي بنفس اليوم ...

الحالة الأولى هبوط ضغط دم بسيط

الأولى عمرها ٤٠ عام حكتلي دكتور عندي دوخة وحاس جسمي مرتخي وقلبي متسرع ومش قادر أفتح عيوني ومش مركزة وانا خايفة كثير حاس صاير معي شي ، حكيتلها ما في شيء ضغطك بكون نازل اشربي مي عليها شوية ملح وشوية سكر وليمون ، ولما يصير عندك مجال راجعيني عالعيادة ، ما صدقت راحت فحصت ضغطها لقيته100/60 وفعلاً اخذت مي وسكر وملح وخلال ساعتين كانت امورها تمام ...

الحالة الثانية إنقاذ مريضة جلطة دماغية

الثانية عمرها 65 عام تواصلت معي كتابياً عبر وتساب بما انها من مراجعاتي كانت متواصلة معي قبل هالمرة ، ولكن هالمرة اتضح من طريقة كتابتها انه ولا شي راكب على بعضه والكلمات مخربطة ، ومش قادرة حتى توصف حالتها ، اللي فهمته حكت عقلي بحسه بيروح وبيرجع وهي ما بتعاني من اي مشاكل نفسية ، وحكت انه عندها صداع قوي جداً وبتحس انه مش عارفة توصف الأشياء وتحكي منيح ، حكيتلها الان وفوراً اطلعي عالمستشفى ... وما اكتفيت اتصلت عليها وحكيتلها اعطني حد حواليكي وحكيتله فوراً خذوها عالمستشفى وما تستنو ولا دقيقة ، وفعلاً اتضح انه عندها جلطة عالدماغ ، وهذه السرعة في التوجه للمستشفى فعلاً خلتها تطلع منها بدون أي أضرار تقريباً ، ساعتين اضافيات في البيت كانت كافية انها تعمل عندها ضرر دائم ...