إسمحلي أنبهك لشيء بالنسبة للطاقة والمشاعر..؟
الطاقة كيف ما حاولت ترفضها و تكبتها وتخفيها بتصير أقوى وبتزيد ، لما تحس حالك حزين وبدك تبكي وتحاول تخفي هالدمعة وتكبتها ، سينتهي الامر بإنهيارك بالبكاء بطريقة هيستيرية.
لما تشعر بالخجل في موقف ما وترفض هذا الشعور وتحاول تخبيه وتكبته ، رح تتدهور الأمور في داخلك وينتهي الأمر بفوضى عارمة ،وبتذكر كيف في عدة مواقف كيف لما كنت اتقبل خجلي وأسمحله بالوجود بل وأعبر عنه ، واحكي للموجودين أنا شاعر إني خجلان شوي كيف كان الخجل يختفي في لمح البصر ...
ولا بنسى لما كنا صغار أحنا وأصدقائنا وياخذونا أهالينا
معهم لبيوت العزاء ، وبدون أي سبب لمجرد فكرة أنه مش لازم نضحك ، نضل نحاول نكبت هالشعور حتى ننهار بالضحك ونطرد من المكان ...
ترا الطاقة ما بتحب حد يحصرها وبتحب تعبر عن ذاتها دائماً وبتحب تقبلها والسماح بوجودها ، لما تتقبلها وتسمحلها تعبر عن حالها بتروح ...
#رائد_بدير
