*تفضل اشرب عصير ...
- شكراً انا قاطع السكر والحلويات ...
* يا رجل هذا كلام فارغ ، طول عمرها الناس بتشرب عصير ، بدهم يجننو الناس كلشي بضر وكلشي ممنوع ، والله غير تشرب والله العظيم اذا ما بتشرب بزعل منك..
* تفضلي إفطري معنا ...
- شكراً صحة وعافية انا ملتزمة بنظام صيام متقطع ..
* هههههه صيام شوو!!! تعالي افطري بلا هبل هذا كلام فارغ يعني انتي مفكرة حالك سمينة ، هاض الي ضايل يصومو الناس ، والله غير تيجي تفطري اذا ما بتفطري بزعل منك ...
* سلامتك بتشرب دوا...؟
- لا هاد مش دوا هاي فيتامينات ...
* شو هالفيتامينات اللي طالعين فيها هاي هاد حكي فاضي ، إذا الادوية مش معالجة الناس شوية فيتامينات بدها تعالج أمراض ، تركك من هالحكي الفاضي ووفر فلوسك ، اشتري فيها شيبسات ...
* شو بتعمل ...؟
- بعمل تأمل ...
* هههههه طاقة وهيك والقصص هاي ، يا رجل سلامت عقلك هاض كله تخريف والله غير يجننوكم ، بعدين سمعت شيخ عالتيكتوك بيحكي هاي الامور حرام..
هاي الناس ما جربت شي ولا بدها تجرب شي ولا بدها حد يجرب شي ، وكلشي عندهم كلام فارغ لانه هالقد وعيهم وهم حرين بحالهم ، ولكن في النهاية لما تخسر صحتك لا سمح الله مش رح يفيدوك بشيء ، ما تسمح لحد يأثر عليك ولما تاخذ نصيحة خذها من ناس أهل تعطي نصيحة مش من ناس غارقة حتى أنوفها بالوحل ...
#رائد_بدير
