أخلاقيات طلب الاستشارة واستغلال مقدمي الخدمات الإنسانية

قصة المطعم ومفارقة الاستغلال

تخيل معي بس ... تخيل تدخل على مطعم والمطعم حاطلك قائمة فيها الاسعار ، وتقرأ القائمة وتحكيله اعطيني أي شي سريع آكله وتاكل ، بعدين تحكيله والله الظروف صعبة وما معي ادفعلك ، وتركب سيارتك الفخمة اللي صافها باب المطعم وتروح ، وترجع ثاني يوم تحكيله ما في اشي ادسم ما انبسطت كثير امبارح وتاكل وتعمل نفس الشي ، وثالث يوم تجيب معك حدا من صحابك وتحكي للمطعم زبطلنا الاكل انا مدحت فيك كثير وتعمل نفس الشي وتطلع بدون ما تدفع وتحكيله ما انت عارف الوضع ...

المهنة الإنسانية بين التقدير والاستغلال

البعض بيعمل معي نفس الشي للأسف ، احنا مهنتنا انسانية صحيح ولكن احنا في النهاية بنقدم خدمات وفاتحين بيوت وتعبنا سنين على نفسنا ولوصلنا لهالمكان وتكلفنا كثير والوقت اللي بنقدمه أغلى اشي بنملكه بحياتنا ، ولكن في حالة الحفاظ على الحياة وعند الناس المتعثرة فعلاً هذا اخر شيء بفكر فيه والكل يعرفني جيداً ...

الفرق بين التعثر الحقيقي والاستغلال المرفوض

اما لما تيجيني والاقيك مش مخلي تحاليل الا عاملها ومش مخلي مكملات الا وشاريها على عاتقك الشخصي ، واحكيلك ما في داعي تعمل صورة رنين مغناطيسي ومع ذلك تروح تعملها ، ولما توصل عندي تصير متعثر او ما معك تدفع هذا بيصير اسمه استغلال ، وهذه ثقافة لازم مجتمعنا بأي طريقة يتخلص منها ...

قيمة منصة الاستشارات والتكلفة القانونية

انا موقعي للاستشارات كلفني كثير ، وهو شركة مرخصة دافعة للضريبة في بريطانيا بيقدر اي حد يححث عنه في دار الشركات البريطانية ، واستخدامه سهل وسلس من أي مكان في العالم ومش بحاجة لعلم كبير ، ورجاء ما حد يراسلني يقلي شو بتعطيني في الاستشارة ومضمون ومش مضمون كأنه بدو يعمل عملية جراحية ...